CENTRAL VISAYAS-Nagpasalamat ang Department of Health – Central Visayas Center for Health Development sa tanang local government units (LGUs) sulod sa Mega Cebu, partner nga mga ospital, ahensya, ug mga boluntaryo, publiko ug pribado, sa ilang wala’y paglubad nga dedikasyon ug teamwork sa pagsiguro sa luwas ug malampuson nga pagsaulog sa bag-o lang nahuman nga 2025 Sinulog Festival.
Pinaagi sa pakig-alayon sa DOH Central Visayas CHD sa mga LGU ug emergency response units, gipakatap ang mga medical station ug mga quick-response teams sa tibuok dakbayan sa Sugbo aron sa paghatag og dinaliang tabang medikal sa mga misalmot sa kapistahan.
Diin sa ilang buhatan kay nakatala sila og kinatibuk-ang 784 nga mga konsultasyon.
Sa hingpit na nga magtapos sa festival kay opisyal na usab nga gitangtang sa Departamento ang White Code Alert, nga gipatuman aron masiguro ang pagkaanaa sa mga medikal nga kawani ug mga kapanguhaan sa laing panahon sa high-volume nga kalihokan.
Matud ni Regional Director Jaime S. Bernadas nga ang kalampusan sa Sinulog karong tuiga kay nagpakita sa lig-on nga panag-uban tali sa gobyerno, healthcare providers, ug sa komunidad.
Hinungdan nga gipasigarbo niini ang dedikasyon nga gipakita sa tanan nga nilambigit ug nagpabilin nga pasalig sa pagpanalipod sa kahimsog sa publiko sa tibuuk nga kapistahan.
Subay niini, mipasalig ang Departamento ngadto sa publiko nga magpabilin ang ilang buhatan nga andam sa pagtubag sa bisan unsang mga insidente nga may kalabotan sa kahimsog. | BOMBO ROCKY
