PROVINCE OF CEBU- Magpahigayon mas lawom nga imbestigasyon ang mga lokal nga awtoridad kabahin sa kamatayon sa usa ka inahan ug 3-anyos nga anak niini sa payag-de-trapal niini sa Purok Tamsi, Barangay Balud sa lungsod sa San Fernando nga nahitabo niadtong Martes Enero 28, 2025.
Ang mga kapulisan kay naglantaw na sa posibilidad sa foul play sa kamatayon sa mag-ina.
Matod pa ni Police Colonel Jovito Atanacio, ang Acting Provincial Director sa Cebu Police Provincial Office (CPPO) diin tataw pa nga gimandoan na niini ang mga sakop sa San Fernando Police aron sa mas lawom nga imbestigasyon niini.
Giila ang mga biktima nga sila Marittes Rosane Cabaluna, 41-anyos ug ang 3-anyos nga bata niini.
Kahinumduman nga napalgang wala nalay kinabuhi ang mga biktima nga adunay mga tulo pa sa ilang sinuka uban sa iyang anak pasado alas 10 sa gabii niadtong adlawa.
Gituohang nahiloan ang mga biktima diin gipaabot pa sa mga kapulisan ang resulta sa forensic examination sa mga patayng lawas.
