CEBU CITY- Nasakpan ang usa ka lalaki nga nangawat og motorsiklo sa Barangay Kamputhaw, dakbayan sa Sugbo,Sabado sa gabii, Pebrero 22, 2025.
Giila ang suspek nga si Arnel Noynoy Dela Cerna, 45-anyos, kinsa nakit-an nga nagguyod sa kolor itom nga MIO Sporty nga motorsiklo dihang nailhan sa usa ka residente nga iya kini sa iyang anak.
Hinungdan gipangutana niya kini, atol sa komprontasyon misuway pag-ikyas ang suspek apan naabtan kini sa mga tawo ug gi-turnover sa kapulisan.
Dali usab nga naabot ang mga kapulisan sa Abellana Police Satation, kana gumikan kay atong tungura nagpahigayon sila og footpatrol.
Gidakop dayon ang suspek sa kapulisan tungod sa paglapas sa R.A. 10883 (Anti-Carnapping Law) ug kasamtangang gitanggong samtang naghulat sa pagpasaka og kaso.
