Mopahigayon ang Bureau of Plant Industry (BPI) og inspeksyon sa mga bodega sa sibuyas aron mahibaw-an kung adunay nahitabong hoarding o pagtago sa mga suplay.
Nunot usab kini sa kanhing kamandoan ni Agriculture Secretary Francisco Tiu Laurel Jr. nga bisitahon ang tanang cold storage facilities sa tibuok nasod diin gitipigan ang mga sibuyas.
Matod sa BPI, kinahanglang matino kung ang mga bag-ong ani nga sibuyas gihipos ba inay ihatod ug ibaligya sa mga merkado.
Gilauman nga makompleto sa BPI ang ilang serye sa inspeksyon sulod sa upat ngadto sa pito ka adlaw.
Matod sa Department of Agriculture (DA), kon madiskubrehan nga daghang sibuyas ang gitagoan, tawgon kini nga hoarding ug pagsulay sa pagmaniobra sa presyo sa sibuyas.
Dugang pa nga si bisan kinsa nga makit-an nga nagbuhat niini siguradong pasakaan og kaso.
Basi sa banabana sa DA, kinahanglan nga adunay bag-ong ani nga sibuyas sa merkado tungod kay gikatakda ang ning Pebrero ug sunod buwan nga Marso.
Ang pagtipig sa mga ani nga sibuyas magsugod lamang sa tunga-tunga o ulahing bahin sa panahon.
