Naghimo og protesta ang mga magbabalaod sa oposisyon sulod sa parliament sa Serbia samtang naglabay sila og mga smoke grenade ug ang uban migamit pa og pepper spray aron sawayon ang gobyerno sa korapsyon ug suportahan ang demonstrating students.
Ang protesta namugna human ang Serbian Progressive Party mipasar sa ilang agenda, nga hugot nga gisupak sa ubang mga magbabalaod, diin ilang giatake ang parliamentary speaker ug nakig-away pa sa mga security guard.
Ingon man nga tungod sa kagubot kay na-stroke ang usa ka magbabalaod ug pagkaangol sa tulo pa indibidwal.
Nagsugod ang mga protesta upat ka bulan ang milabay tungod sa pagkamatay sa 15 ka mga tawo sa dihang ang tibuuk nga estasyon sa tren sa Novi Sad nahugno.
Misangpot kini sa kaylap nga mga demonstrasyon nga gipangunahan sa mga estudyante, nga gisuportahan sa mga magtutudlo, mag-uuma, ug uban pang sektor sa Serbia.
Samtang, gikondenar sa Presidente sa Serbia nga si Aleksandar Vucic ang mga aksyon sa oposisyon, nga nagtawag kanila nga “hooliganism,” nga nagpasiugda nga ang mga responsable sa kagubot adunay tulubagon.
Bisan kung ang mga magbabalaod sa Serbia adunay parliamentary immunity, mahimo nila kini bawion kung makit-an sila nga nalambigit sa kagubot.
