Nihangyo ang Office of the Solicitor General (OSG) sa Korte Suprema nga ibasura ang miaging petisyon nga nagdeklarar sa 2025 national budget o Republic Act 12116 o 2025 General Appropriations Act nga unconstitutional.
Base sa 89-ka pahina nga komento sa OSG, kini namahayag nga ang nasangpit nga petisyon wala mosubay sa due process ug walay merito o lig-on nga basehan.
Nasayran nga ang OSG maoy abogado o representante sa mga opisyal sa gobyerno nga maoy respondents sa petisyon, apil na ang Kamara ug Senado.
Kahinumduman nga lakip sa misang-at sa petisyon sa Korte Suprema sila si Atty. Vic Rodriguez, Davao City Representative Isidro Ungab, Rogelio Mendoza, Benito Ching Jr., Redemberto Villanueva, Roseller dela Peña, Santos Catubay, ug bisan si Dominic Solis.
