Nagtuo ang usa ka accredited nga abogado sa ICC nga ang Korte Suprema kay gilantawang dili na momando nga ibalik si kanhi Presidente Rodrigo Roa Duterte sa Pilipinas, nga anaa na karon sa kustodiya sa International Criminal Court.
Gibuhat ang maong pamahayag ni Atty. Joel Butuyan nunot sa padayong panawagan sa mga dumadapig sa kanhi presidente nga pabalikon siya sa nasod.
Sa pagkakaron, nag-ung-ong pa sa Korte Suprema ang consolidated Habeas Corpus petition nga gisang-at sa managsuong Duterte nga nagkuwestiyon sa legalidad sa pagdakop ni Duterte sa The Hague, Netherlands.
Matod sa abogado, walay awtoridad ang SC sa pag-isyu og kamanduan nga dili bahin sa kaso.
Gihatagan usab niya og gibug-aton nga ang Korte Suprema walay hurisdiksyon sa International Criminal Court, ilabi na sa butang nga ibalik ang kanhi presidente gikan sa hurisdiksyon sa internasyonal nga organisasyon.
