Dungagan sa Police Regional Office sa Central Visayas ang mga medical personnel sa bus terminals sa Cebu City aron masiguro nga mahatagan og pagtagad ang mga pasahero sa ilang panginahanglan.
Kini nunot sa gipahigayon nga inspeksyon ni Police Brigadier General Redrico Maranan, ang regional director sa PRO-7 diin nakita niini nga adunay mga kinahanglang palamboon, particular na sa Regional Medical Unit.
Matud niini nga bisan gamay ra ang naka stand-by nga mga ambulansya apan kinahanglan nga nakaposisyon sila sa mga lugar nga adunay nagtapok nga mga tawo hilabi na nga init ang panahon.
Subay niini, nanghinaot usab si Police BGen Maranan nga ang pagdugang og mga personahe kay makab-ot nila ang ‘zero incidents’ sa mga gipokusan nga mga dapit, particular na sa mga simbahan, pantalan ug uban pa, nga maoy gitinguha ning pag-obserbar sa Semana Santa.
Ingon man nga sa pagkakaron, wala pa silay nadawat nga mga hulga aron dili mahinayon ang pagcelebrar hinungdan nga mipasalig si Maranan nga wala’y angay ikabalaka ang publiko gumikan anaa sila sa heightened alert nga adunay maximum deployment sa lugar hangtod sa pagtapos ning Holy Week.
