CEBU CITY-Ipatawag sa Cebu City Government ang mga ginikanan sa mga batan-on nga namato sa mga milabay nga sakyanan sa SRP.
Matud pa ni Cebu City Mayor Raymond Alvin Garcia, nga aduna nay naporma nga task force aron ma resolba ang maong issue, dugang usab niini nga angayang pabantayan ang maong lugar sa SRP aron malikayan ang susamang panghitbo.
Gikompirmar usab niini, nga ipatawag sa Department of Social Welfare and Development ang mga ginikanan sa mga batan-on nga namato sa SRP.
Una nang nimando ang lokal nga kagamhanan pinanguluhan sa Cebu City Traffic Office, sa pagporma og task force alang sa pagbantay sa maong lugar.
Kahinumduman nga mi-viral sa social media ang mga batan-ong lalaki nga namato sa mga pribadong sakyanan nga nagsubay sa SRP Viaduct, nga nakahatag og risgo dili lang sa mga motorista apan lakip na sa mga nangbato nga mikatkat sa maong tulay. | Bombo Nathaniel Sandoval
