Bureau of Treasury, nakatigom og kapin sa P300-B gikan sa bag-ong Treasury Bonds

Gipasigarbo sa Bureau of Treasury ang kapin sa P300-B nga natigom niini gikan sa bag-ong 10-year Treasury bonds tungod sa taas nga panginahanglan.

Sumala sa ahensya, ang naasoy nga bonds kay mohamtong sa tuig 2035.

Nalista usab kini sa Philippine Dealing & Exchange Corporation fixed income board base sa ahensya.

Gipasabot sa ahensya nga maayo ang resulta sa ilang subasta bisan pa sa kalibotanong kawalay kasiguruhan.

Dugang pa niini nga ang tanyag malampuson tungod sa lig-on nga domestic fixed-income market.

Matod niya nga sa pagkakaron, ang mga tigpamuhunan aduna pay bug-os nga pagsalig sa mga securities sa gobyerno, nga makonsiderar nga epektibong opsyon alang sa pagpamuhunan.