Nakalangkat og Guinness World Records title ang usa ka lalaki sa Uruguay nga nagpuyo na sa Italy tungod sa iyang party trick, nga mao ang pagpalugwa sa iyang mga mata gikan sa mga sockets niini.
Matud ni Williams Martin Sanchez Lopez, nga gikan sa Montevideo, Uruguay, ug nagpuyo na sa Milan, Italy, nga nakat-on siya sa maong abilidad dihang nag-edad siya og 8 o 9-anyos kondiin kaya niyang ipa-relax ang mga muscles palibot sa iyang mga mata hinungdan nga mugawas ang iyang mga eyeballs susama gayod sa usa ka cartoon character.
Mihimo na og official measurements ang iyang mga doktor ug nasuta nga ang iyang mga mata, kayang mulugwa gikan sa mga sockets hangtud sa .74 inches kansa igo na nga rason nga iyang nakuha ang titulong farthest eyeball pop male.
Ang makapahimuot pa kaniya kung iyang ipagawas ang iyang mga eyeballs, dili lang mutan-aw ang mga tawong anaa sa iyang duol, kondili manglukso tungod sa kakurat.
