Nagpasalamat si Megastar Sharon Cuneta human ang iyang bana nga si Francis ‘Kiko’ Pangilinan kay gihangop sa katawhan pinaagi sa partial, unofficial results sa 2025 Senate elections.
Si Pangilinan nalakip sa Top 5 senatorial candidates basi sa 80.44% sa election returns nga na-canvass.
Sa iyang post sa social media, si Cuneta nagkanayon: “I believe that mirales still happen.” Gipaambit usab niya nga kinasingkasing nga nag-ampo ang ilang tibuok pamilya bisan pa man sa resulta sa eleksiyon.
Gisaway usab ni Cuneta ang mga troll nga matod niya walay nahimo sa mga intelihenteng botante ug sa plano sa Diyos.
Gipaabot usab niya ang pahalipay kang Bam Aquino nga anaa sa ikaduhang puwesto sa Senate race.
Ingon man nga una ng mipaambit si Pangilinan nga nakurat sila sa iyang asawa sa resulta sa piniliay apan masalamaton kini sa gihatag nga pagsalig ug suporta sa mga Pilipino.
