Kasamtangang giimbestigahan ang acting chief prosecutor sa International Criminal Court (ICC) nga si Karim Khan tungod sa giingong sexual misconduct investigation.
Gikompirmar kini sa iyang buhatan sa usa ka pamahayag niadtong Biyernes, Mayo 16.
Niining bahina, temporaryo nga mokanaog sa katungdanan si Khan hangtod mahuman ang internal nga imbestigasyon sa United Nations ug ang iyang mga deputy prosecutors ang modumala sa iyang opisina samtang nagbakasyon siya.
Ang nagdumala sa ICC body kay kaniadto nagpahibalo sa usa ka imbestigasyon sa giingon nga dili maayong pamatasan ni Khan, nga gihimakak kaniadto sa punoan nga piskal.
Niadtong Nobyembre sa miaging tuig, ang UN Office of Internal Oversight Services kaniadto nagpahibalo sa ilang imbestigasyon kay Khan, nga gikataho nga nag-akusar sa punoan nga prosecutor sa sexual nga dili maayong pamatasan sa usa ka miyembro sa iyang opisina.
Sumala sa usa ka taho gikan sa usa ka Amerikanong mantalaan nga nakabase sa New York City, ang biktima, usa ka katabang sa edad nga 30-anyos ug giingon sa iyang testimonya nga gihikap siya ni Khan sa usa ka malaw-ay nga paagi nga misangpot sa iyang pagpugos kaniya nga makighilawas, nga giingong nahitabo kaniadtong Disyembre 2023.
Kahinumdoman nga ang 55-anyos nga ICC chief prosecutor nihimo og headlines sa miaging tuig dihang nipasaka siya og high-profile investigations ug nangayo og isyu sa ICC arrest warrants batok sa mga dagkong opisyal sama nila ni Russian President Vladimir Putin, Israeli Prime Minister Benjamin Netanyahu, kanhi defense minister Yoav Gallant ug tulo ka senior nga mga lider sa Hamas tungod sa giingong mga war crimes ug mga crimes against humanities.
Siya usab ang punong piskal nga nag-imbestigar sa giingong mga crimes against humanities batok ni kanhi Presidente Rodrigo Duterte.
