Gibutyag sa US ang giingong sekretong pagtukod sa China og ‘anti-access’ ug ‘area denial’ nga kapabilidad sa militar niini.
Matud ni US Army Pacific Commanding General Ronald Clark, gitukod kini sa Chinese military aron sa air ug maritime domain alang sa naasoy nga nasud.
Diin ang kapabilidad sa anti-access kay usa ka kapabilidad nga makapugong sa pwersa sa militar sa pagsulod sa usa ka lugar samtang ang kapabilidad sa ‘area denial’ naglimite sa paglihok sa pwersa militar sulod sa usa ka lugar nga giatake.
Gipasiugda ni Clark nga ang China nagpalambo sa mga teknolohiya sa militar, kapabilidad, ug mga military procedure sa paspas nga wala nasaksihan sa bag-ohay nga mga tuig.
Dugang pa niini nga ang bugtong butang nga dili na masundog sa China, mao ang mga operasyon sa multidomain gikan sa yuta.
Gitumbok usab sa heneral ang abilidad sa US Army sa pag-operate nga dungan gikan sa yuta, kawanangan, ug cyberspace.
Gihatagan og gibug-aton sa heneral nga mikusog ang agresyon sa China batok sa US ug sa mga kaalyadong nasud niini, busa importante alang sa US nga palapdan usab ang serye sa mga military exercise niini, ilabina sa Indo-Pacific Region.
