Sugdan na sa Land Transportation Office – Central Visayas (LTO-7) ang pagpanakop sa mga motorsiklong walay permanent ug unauthorized ang mga license plates diri sa rehiyon atol sa intensified enforcement operations niini.
Kini ang gipahibalo sa ahensya pinaagi sa pag-anunsyo ni LTO-7 Regional Director Glen Galario subay sa pagpatuman sa ilang roadside operations nga nagpunting sa mga motorsiklong mga unregistered o deliquent registrations, dili luwas o depektibong mga pyesa, ug sayop nga pagkataod sa mga license plates.
Nahisubay kini sa pronouncement sa mandato ni LTO Chief Assistant Secretary Atty. Vigor Mendoza II pinaagi sa memorandum nga giluwat niadtong Hunyo 16.
Matod ni Galario nga gikinahanglan ngan kuhaon sa mga vehicle owners sa ilang mga permanent license plates sa ilang mga buhatan o sa mga dealers sa sayong panahon.
Dugang niini nga gipahibalo sab sa opisyal nga ang LTO-7 Law Enforcement Officers (LEOs) lakip ang mga Deputized Agents niini kay magsugod na sa apprehensyon ssa mga unauthorized license plate holders.
Gani pwedeng masuta sa publiko ang status sa ilang mga plaka pinaagi sa LTO tracker website.
Mipahimangno sab kini sa mga adunay improvised plates sa pagbisita sa LTO office aron sa ilang mga replacement plates application.
Hinaot sa LTO-7 ang kooperasyon sa publiko kabahin sa ilang lagda aron sa pagsiguro sa luwas nga kadalanan para sa tanan.
