Gi-atake ang usa ka barko sa Red Sea, sa habagatan-kasadpang baybayon sa Yemen, gahapon, Domingo, sumala sa usa ka British maritime agency ug sa security firm.
Usa ka taho nag-ingon nga ang pag-atake adunay mga timaan sa militanteng grupo sa Houthi, diin, ang mga tinubdan sa seguridad sa kadagatan niingon nga ang barko nga naigo giila nga Magic Seas, usa ka Liberian-flagged bulk carrier nga gipanag-iya sa usa ka kompanya sa Greece.
Subay niini, ang Magic Seas gitoohang nalunod human maigo sa mga sea drone sa gibuhat nga pag-atake.
Samtang, sumala sa mga taho gikan sa United Kingdom Maritime Trade Operations (UKMTO) ug British maritime security firm nga si Ambrey, una ng gi-atake ang maong barko pamaagi sa pagpamusil ug usab paglabayg Granada, nga gilunsad gikan sa walo ka gagmay nga mga sakayan.
Sa managlahing taho, si Ambrey usab niingon nga ang barko giatake na usab gamit ang upat ka Unmanned Surface Vehicles (USVs) o unmanned sea vehicles.|Bombo Irene Ardiente
