Gikatakdang mag-abli pagbalik sa publiko sa labing unang higayon sulod sa 2 ka tuig nga pagsirado ang Museo Sugbo sa dalan MJ Cuenco Avenue, Cebu City.
Gikatakda kini ablihan inig Agosto 28 aron itakdo sa founding anniversary sa lalawigan sa Sugbo.
Mismong si Cebu Provincial Governor Pamela “Pam” Baricuatro ang mimando sa pagpaabli sa Museo nga nagtumong sa tinguha sa bag-ong administrasyon sa Kapitolyo sa pagpreserbar sa kultura ug kasaysayan sa Sugbo.
Target niini itumong sa Charter Day sa probinsya ang maong pag-abli aron mas mahinungdanon kini nga okasyon.
Gani ang rehabilitation sa maong Museo kay hinay-hinay nang gilusad ilabi na ang structural damages niini sama sa mga liki sa bongbong ug uban pa.
Kini agig paniguro nga ang mga artifacts ug mga bisita kay luwas sulod sa Museo.
Gawas sa pagpa-ayo, gipanglantawan sab ang pagtukod ug dugang bahin sa Museo susama sa souvenir ug coffee shop aron sa pagpalambo sa visitor experience para sa mga turista og mga kabatan-onan.
Ang Museo Sugbo kay kanhi giila isip Carcel de Cebu o Cebu Provincial Jail nga natukod niadtong tuing 1869 nga nagsilbing prisohan sa lalawigan sulod sa kapin usa ka siglo human niadtong tuig 2004.
Apan niadtong 2008, gi-repurpose kini isip museum sa pagpakita sa mga pre-colonial artifacts, Spanish relics, wartime memorabilia, Cebu Journalism ug Journalists Gallery ug uban pang historical exhibits.
