Gidonar sa aktres ug social media influencer nga si Mika Salamanca ang iyang dinag-ang P1-milyon isip Big Winner sa natapos nga reality show nga “Pinoy Big Brother: Celebrity Collab Edition.”
Atol sa post sa aktres sa iyang Instagram account, iyang gidonar ang cash prize money sa organisasyong “Duyan ni Maria” nga usa ka orphanage nga naghatag og kapuy-an sa mga abandonado ug pinasagdang mga bata.
Gani wala natapos diha dapita ang bulawanong kasing-kasing ni Salamanca tungod kay mibisita pud kini sa community of elderly residents o pundok sa mga katiguwangan aron ipaambit iyang gratitude ug compassion.
Kasayran nga si Salamanca kay bahin sa duo nga “BreKa” isip Big Winner sa maong reality show kauban ang housemate nga si Brent Manalo.
Sa pagbalik niya sa outside world, hinaot niini nga mu-pursue sa career sa music industry ug padayonon ang iyang karakter nga “Anaca” sa salidang “Encantadia Chronicles: Sang’gre.”
