Gi-anunsyo sa Philippine Deposit Insurance Corporation (PDIC) ang ilang bag-ong polisiya sa pagpataas sa Maximum Deposit Insurance Coverage (MDIC) sa mga adunay accounts sa banko gikan sa karaang P500,000 ngadto na sa P1-milyones.
Kini ang gibuyag sa ahensya pinaagi ni PDIC Corporate Affairs Group Vice President Jose Villaret Jr. atol sa pakighinabi niini sa sakop sa tigbalita sa Sugbo niadtong Biyernes, Hulyo 11 sa ilang gipahigayong Visayas-leg sa media education forum nga “PDIC 101: Understanding Deposit Insurance.”
Nagtinguha kini sa pagpahibalo sa publiko sa ilang kaalam kabahin sa deposit insurance sa mga bank account holders ug sa kinatibuk-ang sistema sa panalapi sa nasud.
Gani ang bag-ong sukaranan sa MDIC kay nahimong epektibo niadtong Marso 15, 2025 nga nagtinguha sa pag restore sa real value of coverage sa sa mga dinepositong kwarta sa mga account holders nga ulahing naadjust niadto pang tuig 2009.
Nagpunto sab kini sa pagpabaskog sa sistema sa panalapid pinaagi sa mga pinasyal nga institusyon sa nasod sama sa mga banko nga lisensyado ubos sa Bangko Sentral ng Pilipinas (BSP) nga automatic nga sakop sa PDIC lakip na niini ang mga universal banks, commercial banks, thrift banks, rural banks, cooperative banks, ug digital banks.
Giawhag sa PDIC ang mga miyembrong institusyon niini sa panalapi nga i-display ang mga informative decals sa ilagn mga establisyemento ug sa ilang mga digital platforms aron mapasabyag pa ang kalaam sa publiko aron mapabaskog niini ang pasalig sa katawhan sa istruktura sa banking system sa nasud.
