Nasuta na karon ng ang kalit nga fuel switch shutdown ang hinungdan sa pagkahagsa sa Air India Flight 171 nga nahitabo sa Ahmedabad, India niadtong Hunyo 12, 2025.
Kini sumala sa preliminary report sa maong plane crash diin nakita nga ang makina sa eroplano kay naka-shift ang fuel control switches niini gikan sa “run” ngadto sa “cutoff” hinungdan sa pagkahagsa.
Gani, usa lang sa 242 ka mga tawo nga sakay niini ang naka survive diin dili muminos sa 19 sab ang patay sa lugar kung asa nitibugsok kini human sa ilang takeoff duol sa tugpahanan.
Ang maong 1 ka segundo lang nga pag switch sa fuel control niini sa duha ka makina sa eroplano ang nakapahinungdan sa maong pagkahagsa gikan sa 180 knots indicated airspeed (IAS) nga maoy impormasyon nga gitala sa report sa Aircraft Accident Investigation Bureau (AAIB).
Ang modelo sa eroplano kay mao ang 787 Dreamliner nga usa sa mga top of the line model sa American aviation company nga Boeing.
Ang maong report kay wala na mihatag sa rason kung nganong na switch kini padulong sa “cutoff” position nga hinungdan sa kadaot sa makina samtang naglupad.
Gipahibalo sab sa AAIB nga ang Engine and Flight Data Recorder (EAFR) o mas nailang “black box” kay nakahiagom ug substantially damaged nga dili na maka download sa mga datos nga nahipos pinaagi sa conventional nga paagi.
Kahinumduman nga ang Air India Flight 171 kay nahagsa sa usa ka medical college hostel sa dayong pagkahuman sa pag-takeoff niini gikan sa Ahmedabad Airport padulong sa Gatwick Airport sa London kaniadtong Hunyo 12.
