Gikumpirma sa mga awtoridad sa Oregon ang ikaduhang indibidwal nga namatay human sa usa ka makamatay nga aksidente sa waterfall samtang nagpadayon ang mga operasyon sa pagpangita ug pagluwas alang sa usa ka tawo nga nagpabilin nga missing.
Gikompirmar asa Deschutes County Sheriff’s Office nga nakaplagan sa mga search and rescue divers ang lawas sa ikaduhang biktima gahapon sa buntag, diin, ang duha ka kumpirmadong namatay parehong babaye, samtang ang wala pa mailhi lalaki, ug ang patayng lawas nahimutang sa ilawom sa falls.
Ang aksidente nahitabo niadtong Sabado sa hapon sa dihang usa ka grupo ang naanod sa Dillon Falls sa Deschutes River, nga anaa sa 10 ka milya gikan sa Bend, ug adunay usa ka tawo ang namatay sa dapit nga nahitaboan ug tulo ang naluwas gikan sa Deschutes River.
Sumala pa sa tigpamaba sa sheriff’s office nga si Jason Carr, nagpadala sila og mga divers, mga bangka, drone ug mga iro kaniadtong Lunes isip bahin sa mga operasyon sa pagpangita sa mga nawala sa waterfalls.
Gikabutyag usab ni Carr nga ang tulo ka mga tawo nga na-rescue adunay gagmay nga mga samad sama sa mga garas ug mga bun-og. Gidala sila sa usa ka lokal nga ospital aron masiguro nga wala silay ubang mga samad.
Wala pa gibutyag sa mga opisyal ang identidad sa mga naa sa grupo.
