Girespeto sa House of Representatives ang desisyon sa Supreme Court sa nahimong desisyon niini sa impeachment trial batok kang Vice President Sara Duterte, apan giinsistir sa Kamara nga padayon nilang huptan ang ilang pasalig sa kamatuoran ug tulubagon, pinasikad sa katungdanan sa konstitusyon bisan pa sa desisyon sa Korte Suprema, nga nagdeklarar nga unconstitutional.
Matod ni House Spokesperson Atty. Princess Abante, wala pa opisyal nga nadawat sa Balay ang kopya sa desisyon sa Korte Suprema, ug girespeto usab nila ang desisyon bahin sa butang, apan iyang gihimug-atan nga ang ilang katungdanan sa konstitusyon sa pagtuboy sa kamatuoran ug pagkamay-tulubagon kay wala pa matapos.
Gikanayon niini nga subay sa Article XI, Section 3 sa Konstitusyon, ang Kamara lang ang adunay gahom sa pagpasiugda og impeachment.
Dugang pa niya nga dili lang kini batok sa usa ka opisyal kondili alang sa katungod sa katawhan nga manubag sa gobyerno.
Busa, giingong mangita ang Kamara og posibleng solusyon, dili pagsuway kondili alang sa “Constitutional fidelity.”
Sa laing bahin, si Akbayan Party-list Rep. Perci Cendaña, endorser sa unang impeachment complaint, nipadayag og kabalaka sa desisyon sa Korte Suprema, nga matod niya mahimong usa ka dili maayong sumbanan.
Gumikan alang kaniya ang mga kurakot nga opisyal makatago na sa luyo sa Korte Suprema ug makalingkawas sa tulubagon sa katawhan.
