Opisyal nga mihimo og kasaysayan ang Sugbo sa dihang gipadayag sa PlayFair sa TOPS ang kinadak-ang claw machine sa kalibotan, nga nakakuha og gitinguha nga puwesto sa Guinness World Records.
Gitawag nga “Claw King,” ang dako nga machine, nga adunay sukod nga 49.90 cubic meters (1,761 cubic feet), na mas milabaw sa miaging rekord nga gihuptan sa “Santa Claw” sa Dayton, Ohio.
Adunay gitas-on nga 5.229 metros ang dimension niini; ug gilapdon nga 2.477 metros; ug Gitas-on nga 3.88 metros, kini gipasiugdahan sa PlayFair’s team of engineers and creatives, pinangulohan ni Chief Technological Officer “Kuya Magic.”
Gikinahanglan ug kapin sa 4,500 ka mga screw, 100 metros nga kable, duha ka bulan nga disenyo, ug lima lang ka adlaw aron mag-assemble on-site sa iconic TOPS sa Barangay Busay, nga naila sa iyang panoramic view sa Cebu City.
Gipahigayun ang opisyal nga pagsukod ug pag-verify sa machine ni Engineer Noel Aguilar Jr. sa Dakay Engineering, nga nagsiguro sa pagsunod sa mga sumbanan sa Guinness, gipahigayon usab ang ceremonial unveiling niadtong Hulyo 5, 2025, ug ang rekord opisyal nga gi-certify niadtong Hulyo 21, 2025. | Bombo Nathaniel Sandoval
