CEBU CITY- Giduso sa Cebu City Local Youth Development Council (CCLYDC) ang sugyot niini nga pagmugna og AIDS Council sa kagamhanang dakbayan atol sa pag-courtesy visit niini kang Cebu CIty Mayor Nestor Archival Sr. kagahapong adlawa sa Lunes, Hulyo 28, 2025.
Kini nga inisyatiba sa CCLYDC kay nagtinguha nga mapasabyag sa kabatan-onan sa syudad kabahin sa maong sakit nga kaylap sa nagpangidaron og 30-anyos paubos.
Gani nipadayag dayon sa iyang hingpit nga suporta si Mayor Archival sa maong adbokasiya ug gidasig niini ang pagtinabangay sa lainlaing mga programa lakip na ang gipanguhanan niini nga sustainable water tumbler use, tree-planting ug uban pa.
Gipahibalo usab sa Mayor nga nagtinguha pud kini nga mahatagan og higayon ang mga kabatan-onan nga mudumala isip lider diin motanyag kini og libreng technical driving seminars alang sa mga Sangguniang Kabataan (SK) chairpersons ug mga sakop sa konseho.
Gidasig usab sa opisyal ang konseho sa pag-organisar nga musalmot sa mga blood donation drives nag nagpasiugda sa kamahinungdanon sa mga batan-on sa pag-promote ug community health ug social responsibility.
