CEBU CITY- Miluwat og abiso ang buhatan sa Metropolitan Cebu Water District (MCWD) pinaagi sa social media account niininsa pahibalo nga mihinay ang ilang pressure sa tubig sa giserbisyohang lugas sa downtown Cebu City ug dakbayan sa Talisay mahitungod sa mi-leak nga tubo sa Jaclupan wellfields.
Sa pakighinabi sa Bombo Radyo Cebu Newsteam kang Minerva Gerodias, ang tigpamaba sa MCWD diin mipahayag kini sa ilang pagpangayo og despensa sa mga konsumidor sa mga apektadong dapit.
Dugang pa sa opisyal nga ang maong apektado nga tubo kay nagkonektar sa Jaclupan wellfields ngadto sa Latapan ug Tisa water reservior nga gisumpay sa 800 millimeter diameter steel pipes.
Hinungdan nga nabuslot gumikan sa usa ka development project nga kabahin sa usa ka flood control system sa maong dapit.
Mipahimangno usab si Gerodias, nga mas maayong magpundo og tubig sa off-peak hours gumikan kay wala pa silay insaktong adlaw o petsa kung kanus-a kini manumbalik sa normal nga operasyon. | Via Bombo Nathaniel Sandoval
