Gipusil-patay sa iyang kaugalingong estudyante ang usa ka magtutudlo, sa Balabagan Trade School campus sa Barangay Narra, Balabagan, Lanao del Sur.
Matod sa mga otoridad, gipusil ang biktima nga si Danilo Barba, 34, kini human na-trigger tungod nahagbong kini si alyas Kaizer, 20, tinun-an sa Grade 11 sa usa lang ka subject.
Sa gikabutyag sa Balabagan Municipal Police Station, giangkon ni alyas Kaizer ang krimen nga iyang nahimo kay nasuko kini sa maestra tungod kay gihagbong siya.
Basi sa imbestigasyon, ang insidente nahitabo alas 8:00 sa buntag niadtong Agosto 4, 2025.
Basi sa natapok nga impormasyon, mosulod na unta si Barba sa campus dihang gibabagan siya sa suspek ug gipusil sa ulo gamit ang kalibre .45 nga pistola hinungdan sa iyang hinanaling kamatayon.
Human sa krimen, ang suspek nitago uban sa mga kabanay sa Marogong, apan sa tabang sa iyang kaugalingong igsuong polis, boluntaryo siyang gitahan sa awtoridad pagkasunod adlaw.
Sa maong makakugang nga panghitabo, giingong dili lang ang biktimang magtutudlo ang miatake sa suspek ug aduna pay laing mga magtutudlo nga posibleng target, apan giklaro sa suspek nga aduna lang siyay kalagot kang Barba.
Sa pagkakaron, adunay mga pulis ug sundalo nga gitahasan nga motabang sa pagbantay sa nasangpit nga tunghaan.
