Giablihan sa Barangay Inayawan ning dakbayan sa Sugbo ang laing routa sa Cebu City Mayor of the Night Free Ride Program sa Inayawan covered court niadtong Lunes sa gabii, Agosto 11, 2025.
Gipangulohan ang maong kalihokan nila ni Cebu City Councilors Paul Labra II ug Jose Abellanosa sa paglusad sa libreng shuttle service para sa mga night shift workers sa barangay ilabi na gikan sa industriyang Business Process Outsourcing (BPO).
Mitambong sab sa kalihokan ang mga opisyales sa barangay nga gipangulohan ni Punong Barangay Atty. Kirk Bryan Repollo diin ang maong inisyatiba kay nahisubay sa mga programang gipatuman sa administrasyong ni Cebu City Mayor Nestor Archival Sr.
Gani sa eksklusibong pakighinabi sa Bombo Radyo Cebu Newsteam kang Konsehal Labra nga tinguha sa libreng sakay kay mao ang luwas, kasaligan, ug sayon nga transportasyon alang sa mga mamumuo sa pang-gabii nga panahon nga kadaghanan kay nagpahuway na.
Ingon man ubay-ubay na nga mga barangay sa dakbayan sa Sugbo ang misalmot sa librang shuttle service sama sa Barangay Sambag 2, Guadalupe, Labangon, Capitol Site, Inayawan, ug uban pa.
