76, patay human nasunog ang bus sa Afhganistan

Patay ang 76 ka tawo human maaksidente ang bus nga ilang gisakyan sa Afghanistan nga miresulta sa pagkasunog niini.

Nahitabo ang insidente sa Herat City diin nawad-an og kontrol ang driver ug nabangga sa poste daplin sa dalan.

Ang aksidente miresulta sa pagkasunog sa bus, uban sa mga babaye ug mga bata nga nasamdan.

Nasayran nga gikan ang bus sa Islam Qala, usa ka lungsod duol sa utlanan sa Afghanistan-Iran, ug paingon sa Kabul.

Matud usab nga nahitabo ang aksidente tungod sa gipakusog nga pagdeport sa Iran sa mga dili dokumentado nga mga migranteng Afghan.