Nikanaog sa iyahang katungdanan ang Punong Ministro sa Japan nga si Shigeru Ishiba aron malikayan ang pagkabahin sa sulod sa iyang partido, ang Liberal Democratic Party (LDP), gitaho sa NHK.
Kahinomdoman nga si Ishiba nahimong punong ministro kaniadtong Oktubre 2024 ug nanguna sa usa ka koalisyon tali sa LDP ug Komeito.
Ubos sa iyang pagpangulo, ang iyang koalisyon nawad-an sa majority sa ubo ug taas nga kapulungan sa parlamento, pagkahuman sa kasuko sa mga botante sa padayon nga pagtaas sa paggasto sa nasud.
Tungod niini, nawala ang mayoriya niini sa ubos nga kapulungan niadtong Oktubre 2024 ug ang mayoriya niini sa taas nga kapulungan niadtong Hulyo 2025.
Human napildi sa Hulyo, si Ishiba niingon nga iyang gidawat ang bug-at nga mga resulta sa eleksyon apan nakahukom nga magpabilin isip punong ministro.
Samtang, ang mga miyembro sa LDP gikatakda nga mobotar karong adlawa, Lunes, Setyembre 8, aron magdesisyon kung magpahigayon ba usa ka talagsaon nga eleksyon sa pagpangulo.
