Personal nga gisusi ni Cebu Provincial Governor Pamela “Pam” Baricuatro ang mga bulk water projects sa mga lungsod sa Alegria ug Malabuyoc sa habagatang Sugbo.
Unang giadto ni Baricuatro mao ang Malabuyoc Bulk Water Supply Project nga nagkantidad sa kaping P70-milyones.
Gilaumang makasugod kini sa pagserbisyo sa paghatag og suplay sa potable water sa mga barangay sa Población 1, Población 2, Montañeza, Looc, ug Sto. Niño sa lungsod sa Malabuyoc.
Ikaduhang gibisita sa gobernadora ang Alegria Bulk Water Supply nga nagkantidad og P109-milyones.
Giklaro ni Baricuatro nga temporaryong gipahunong niini ang mga konstruksyon sa mga proyektong pang-imprastruktura samtang nagpaubos sa review ang kagamhanang lalawigan.
Gisiguro niini nga ang Kagamhanang Probinsya nga nagsunod sa insaktong proseso ug rekisitos ang mga proyekto ubos sa iyang pagdumala nga dili makahaag og hulga sa kinabuhi ug seguridad sa kalikupan ug katawhan.
