CEBU CITY- Naghisgut kabahin sa usa ka Master Plan Study para sa Comprehensive Sewerage System Development sa Metro Cebu ang mga opisyales sa Japan International Cooperation Agency (JICA) atol sa official courtesy visit niini kang Cebu City Mayor Nestor Archival Sr. niadtong adlawng Martes, Septiyembre 16, 2025.
Ang mga opisyal sa JICA kay gipangulohan sa Team Leader niini sa Comprehensive Wastewater Management Planning and Professional Engineer nga gikan sa kompanyang Nippon Koei Company Limited nga si Yosuke Deguchi kauban ilan mga program officer ug project formulation advisor sa JICA Philippines Office.
Gani si Mayor Archival kay giubanan sab sa mga lokal nga opisyal sa kagamhanang gikan sa mga buhatan sa Metropolitan Cebu Water District (MCWD) ug City Planning and Development Office (CPDO)
Sumala sa pinakabag-ong datus, ang Metro Cebu kay aduna nay populasyon nga milapas sa 3 milyones nga nagtimaan isip ikaduhang pinakadakong economic hub sa Pilipinas.
Apan 91 porsiyento sa mga kabalayan niini nga naggamit pa og mga septic tanks ug walay centralized sewerage system.
Ang mga dili maayong pagkatukod ug pagdumala sa mga septic tanks kay nahatag pa og risgo sa sanitation ug water resources.
ang maong kolaborasyon kay nagtimaan sa pasaad sa JICA, MCWD, ug kagamhanang dakbayan sa pag-istablisar og sustainbale wastewater management para sa mas limpyo nga katubigan sa Sugbo.
