Napakyas na nga makaabante sa ilang kampanya ang Alas Pilipinas sa FIVB Volleyball Men’s World Championship.
Kini human sila gipildi sa Iran sa set scores nga 21-25, 25-21, 17-25, 25-23, 22-20 didto sa Mall of Asia Arena sa Pasay City.
Ang duwa gikonsiderar nga labing daghan nga nanambong sukad nagsugod ang torneyo diri sa nasud.
Gikan sa 1st set, ang duha ka grupo grabe ang pagbinayloay og puntos.
Ang Iran mao na lang ang Asian squad nga nahabilin sa torneyo human sa kapildihan sa Pilipinas ug ang fan favorite nga Japan, South Korea, Qatar ug China.
Bisan pa sa kapildihan, gidayeg gihapon ni Alas coach Angiolino Frigoni ang iyang team tungod sa maayong duwa nga ilang gipakita, ilabi na human sila nakahimo og kasaysayan pinaagi sa pagpildi sa Team Egypt.
