Labing menos 14 ka mga tawo ang namatay ug 124 ang na-missing human nahugno ang usa ka dekada nga lake barrier sa Hualien County, Taiwan kaniadtong Martes, Setyembre 23, tungod sa kusog nga ulan nga dala sa Super Typhoon Ragasa (kanhi Nando).
Sa gikabutayg sa usa sa mga naluwas, giingong na ingun nalang og lapok nga lanaw nga hapit hingpit nga nilamoy sa ilang mga panimalay, nagguba ang usa ka taytayan sa lugar ug gibanlas ang mga bahin sa usa ka lungsod sa Kuang Fu Township.
Samtang si Lee Kuan-ting, ang tigpamaba sa Hualien County Government, iyahang gikompirmar nga 18 ka tawo ang nasamdan, samtang nagpadayon ang search and rescue operations.
Sumala usab sa National Fire Agency sa naasoyng nasud, moabot sa 7,600 ka mga indibidwal ang nabakwit sa tibuok Taiwan tungod sa maong bagyo.
Subay niini, niluwat ug nagpagawas ang mga awtoridad og mga video nga nagpakita sa mga dalan nga gibahaan, nalunod nga mga sakyanan, ug nangatumba nga mga kahoy.
