Dili makapresentar ang kampo ni kanhi Presidente Rodrigo Duterte og bisan unsa nga makapamatuod sa iyang pagka-inosente ug walay kalambigitan sa Extrajudicial killings ug war on drugs sa dihang siya pa ang lider sa nasud.
Mao kini ang gipaambit ni Atty. Neri Colmenares, Human Rights Lawyer ug usa ka Aktibista nga nasayod ang kampo ni Duterte nga walay mapakita nga ebidensiya nga dili malambigit ang pangalan sa kanhi presidente kay maglisod gayud ang modepensa kaniya bisan pa ang pinakamaayo nga abodago.
Busa tataw sa ilang habig ang taktika sa kampo ni Duterte diin ang paglangay sa kaso kay matud pa sa abogado kon mapriso ang usa ka tawo mangita sila og paagi nga dali kining makagawas, apan sukwahi ang gihimo sa kampo sa kanhi presidente.
Dugang pa niya nga sayop usab ang pagsumiter sa motion to postpone sa confirmation hearing tungod sa iyang absentia sa padgungog.
Kini tungod kay ang gisumiter sa kampo ngadto sa Pre Trial Chamber usa ka “motion for indefinite postponement” nga nagpasabot nga ‘unfit’ to face trial, apan si Atty. Colmenares niingon nga dili pa kini hukom kondili ‘confirmation of charges’ palang, nagpasabot nga adunay duha ka posibleng resulta sa kaso.
Diin ang una mao ang pagdumili sa pagkumpirmar sa mga pasangil ug ang pagbasura sa warrant of arrest batok kang Duterte ug ang ikaduha mao ang pagkumpirmar sa mga pasangil ug ang pagpadayon sa trial, hinungdan nga iyang gihingusgan ang importansya sa pagpadayon sa ‘confirmation of charges’.
