Nagpositibo sa ginadiling droga ang siyam ka mga trabahante sa Lapu-Lapu City Hall human nagpahigayon og random drug testing ang buhatan sa City of Lapu-Lapu Office for Substance Abuse Prevention (CLOSAP) niadtong nakalabayng adlaw sa Lunes, Septiyembre 29, 2025.
Sulod sa siyam kay walo niini ang mga job order ug usa ang casual nga nadestino sa mga nagkadaiyang buhatan sama sa City Clearing Team ug City Cooperative and Livelihood Resource Center.
Sa napahigayong drug testing, 40 ka mga personahe sa City Clearing Team ug 24 ka mga empleyado sa City Cooperative and Livelihood Resource Center ang giaubos sa drug test.
Matod pa ni Garry Lao, ang Executive Director sa CLOSAP nga usa sa mga nagpositibo kay bag-ohay lang nakakuha sa iyang appointment.
Sa pakighinabi kang Lapu-Lapu City Mayor Ma. Cindi King-Chan nga ang maong inisyatiba kay nagtinguha sa pagtukod sa City Hall isip drug-free workplace og dili kini magduha-duha sa pagpatuman sa silot batok kanila.
