Napun-an pa ang ihap sa mga nangamatay gikan sa pagkahugno sa usa ka boarding school sa lalawigan sa East Java sa Indonesia.
Kini sumala sa mga opisyal, samtang ang mga tigluwas nakigbugno aron mabawi ang daghang mga estudyante nga gituohan nga natabunan sa ilawom sa kagun-obon.
Gatusan ka mga estudyante, kadaghanan kanila mga tin-edyer nga lalaki, anaa sa sulod sa Al-Khoziny Islamic Boarding School sa lungsod sa Sidoarjo sa dihang nahugno kini kaniadtong Lunes, nga una nga nakapatay sa labing menos lima ka mga estudyante ug nakaangol sa kapin 160.
Matud sa hepe sa National Disaster Mitigation Agency (BNPB) nga si Suharyanto nga ang mga rescuer nakakaplag og siyam ka mga patayng lawas niadtong Biyernes, hinungdan nga nisaka ngadto sa 14 na ang namatay ug adunay 49 ang gikatahong missing.
Atol sa pakighinabi sa Bombo Radyo Newsteam kang Felixberto Berdrio Robillo, ang Bombo International Correspondent sa Indonesia diin gipaambit niini nga ang maong edipisyo kay wala gidensyo ug dili luwas kung gani adunay pagtay-og sa yuta gumikan walay permit ang pagpataas sa karaan nga tunghaan.
