Gilugwayan sa Regional Tripartite Wages and Productivity Board- Central Visayas ang mga business establishments nga naapektuhan sa kusog 6.9 magitude nga linog sa probinsiya sa Sugbo.
Pinaagi sa social media post sa buhatan, gipaambit niini nga ang mga kompanya nga grabeng naapektuhan sa linog, mamahimong mo-apply ug excemption sa pagsumiter sa bag-ong pagpatuman sa taas nga suholan,
Matud sa buhatan nga ang kinalasang adlaw sa pagsumiter ug application aron nga ma excempt sa pagpatuman niini sa umaabot December 02, 2025
Kahinumdoman nga niadtong Septiyembre 30, gitay-og ug magnitude 6.9 nga linog ang Sugbo, nga nakakalas og di mominos 75 ka mga tawo, samtang nakaangol og 1,271 ka mga indibidwal, ug gibanabana nga P3 bilyones nga kantidad ang natala nga kadaot sa imprastraktura.
Samtang, sa pikas bahin gipatuman sa Department of Labor and employment ang bag-ong wage order sa Central Visayas niadtong Oktubre 4 ug nagtakda sa minimum nga suholan sa rehiyon tali sa P500 ug P540.
