Wala gihapon makatuo ang kanhi Sexbomb dancer nga si Rochelle Pangilinan human napili kini nga Best Supporting Actress sa Cinemalaya 2025 alang sa iyang performance sa Child No. 82, nga ang iyang debut sa independent film scene.
Sa iyang Instagram post, gipaambit ni Rochelle ang iyang tropeo ug nagpasalamat sa iyang mga supporters.
Nagpasalamat usab ang aktres sa iyang pamilya, ilabi na sa iyang bana nga si Arthur Solinap ug sa ilang anak nga si Shiloh.
Gisinggit pa niini nga dili lang siya dancer lang apan aktress na sab.
Una niini, gidayeg sab si Rochelle niadtong 2024 sa iyang papel isip Tiya Amalia sa makasaysayanong teledrama nga “Pulang Araw.”
Gawas sa pag-arte, aktibo gihapon siya sa pagsayaw ug bag-o lang gipadayag ang SexBomb Girls reunion concert nga gikatakda sa Disyembre rong tuiga.
