Pagkahuman sa eleksyon sa Cameroon kaniadtong Domingo, Oktubre 12 kay mahimo’g tugotan niini ang labing tiguwang nga lider sa Africa, ug ang labing karaan nga presidente sa kalibutan, nga lugwayan ang iyang termino sa laing pito ka tuig.
Ang Presidente sa Cameroon nga si Paul Biya, nga sa pagkakaron 92-anyos na ug mag 99-anyos na kung matapos ang iyang bag-ong termino, adunay maayong kahigayonan nga modaog pag-usab.
Human ang unang presidente sa Cameroon nga si Ahmadou Ahidjo, miluwat niadtong 1982, si Presidente Paul Biya ang nangulo na sa nasod sukad kaniadto.
Sukad nga ang Cameroon nakabaton ug kagawasan niadtong 1960, duha lang ka presidente ang napili niini.
Samtang, bisan kung si Presidente Biya naglingkod sa katungdanan sa kapin sa 43 ka tuig, ang pipila ka mga Cameroonian nanawagan alang sa pagbag-o alang sa ilang nasud.
Kalabot niini, padayon nga nahimong hisgutanan ang kahimsog sa presidente tungod kuno sa kanunay niyang pagbiyahe sa Europe aron magpatambal.
Giingong gitugyan niya ang pagpadagan sa nasud ngadto sa mga opisyal sa gobyerno ug pipila ka sakop sa iyang pamilya.
