Gipaambit sa Visayan Electric Co. nga makabaton ang mga konsumidor og pagkunhod sa presyo sa kuryente karong buwan sa Oktubre ug Nobyembre nga billing diin niubos ang residential rate og P1.00.
Kini gikan sa P12.51 per kilowatt hour sa miaging buwan kay nahimo na kini nga P11.51 per kilowatt hour karong buwana.
Matud ni Quennie Sanchez Bronce, ang Reputation Enhancement Department Head sa Visayan Electric nga ang rason kay ang nius-os usab ang presyo sa Wholesale Electricity Spot Market (WESM), usa sa mga gikuhaan og power.
Dugang niini nga dako na og tabang ang pagkunhod og peso gumikan kay maka-save ang mga kunsomidor og anaa sa P200.
Apan, bisan paman sa pagkunhod sa singil sa kuryente ning buwana hangtud sunod buwan kay padayon ang pahimangno sa VECO ngadto sa publiko ang energy conservation.
Kini nunot sa dili matag-an nga generation rate sa pagsaka ug pagkunhod busa dili magkompiyansa ning pag-ubos sa rate karong ber months.
