Beteranong aktor nga si Dwight Gaston, mitaliwan na sa edad nga 66

Mitaliwan na sa edad nga 66-anyos ang beteranong aktor nga si Dwight Gaston.

Gikumpirma sa iyang mga higala ug pamilya ang pagkamatay sa aktor apan wala na maghatag dugang nga detalye.

Natawo kini isip Anthony Dwight Gaston, nga usa usab siya ka musikero, art director ug costume designer.

Nailhan siya sa iyang mga papel sa mga pelikulang “Oro Plata Mata” ug “Scorpio Nights”.

Lakip sa nagbangutan pag-ayo mao ang aktor nga si Joel Torre, kinsa giisip niya nga iyang suod nga higala sulod sa kapin sa 50 ka tuig.

Nakauban niya ang aktor sa pelikulang “Yanggaw”.

Siya usab ang screenwriter sa mga pelikulang “Shake Rattle and Roll 2”, “Gagamboy”, “Banyo Queen” ug “Minsan Ko Lang Sasabihin”.