Miigo na sa nasud nga Cuba ang Hurricane Melissa sayo niadtong Miyerkules (sa ilang lokal nga oras) diin pipila ka oras lang kay nakatala na kini og kadaot sa gitanyag nga strongest-ever storm nga miigo sa Caribbean.
Sumala sa US National Hurricane Center (NHC), ang Hurricane Melissa kay miigo sa habagatan kabaybayonan sa sidlakang Cuba sa maximum sustained winds nga 195kph.
Matod pa sa ahensya nga masinati ang makalilisan nga storm surge, grabeng pagbaha, dakong mga pagdahili sa yuta ang dala nga kadaot sa hurricane winds nga padayong milabyog sa maong islang-nasud.
Saysay pa sa mga awtoridad sa Cuba nga kapin 735,000 ka mga indibidwal ang gipabakwit na sa ilang mga panimalay atol sa pagsingabot sa bagyo.
Daan nang nagpahibalo si Cuban President Miguel Diaz-Canel sa kadaot nga dala sa bagyo bisan paman nagkahinay na kini nga anaa nalang sa Category 3 gikan sa Category 5 nga maoy pinakataas nga lebel sa Saffir-Simpson hurricane scale.
