Midaog pinaagi sa technical knockout (TKO) ang Filipino mixed martial arts (MMA) fighter nga si Lito Adiwang batok sa Argentinian striker nga si Mauro Mastromarini.
Dili sayon ang kadaugan sa Pilipinong fighter human ang Argentinian MMA fighter mibuhi og kombinasyon sa sayong bahin sa unang round.
Daghan sa mga kombinasyon nga iyang gibuhian ang nakaigo sa lawas ni Adiwang, lakip na ang kick-punch combo, pipila ka segundo sa wala pa ang KO.
Ang Pilipinong fighter mibalos dayon gamit ang right uppercut nga nakapatumba kang Mastromarini.
Wala mohunong si Adiwang ug mibuhi og sunod-sunod nga punch combo nga tanan naigo sa nawong sa iyang kontra, hangtod nga sa katapusan gipahunong sa referee ang away pipila ka segundo sa wala pa matapos ang unang round.
Sa kadaugan, ang gitawag nga ‘Thunderkid’ karon adunay upat ka daog ubos sa One Championship samtang ang iyang pildi nagpabilin sa duha.
Para sa Argentinian fighter, wala pa siyay nadaog nga away sa One Championship sa iyang duha ka away sa nahisgutang combat sports league.
