Kanselado ang mga byahe sa tugpahanan sa Sugbo paingon sa Luzon tungod sa Super Typhoon Uwan, ning adlaw sa Domingo, Nobyembre 9.
Ingon man nga adunay mga biyahe gihapon apan padayon ang paglawig sa mga international flight.
Una na usab nga gipahibalo sa tugpahanan nga posibleng adunay dugang nga mga pagbag-o sa schedule sa biyahe samtang ang bagyo nagpadayon sa pag-kuso-kuso sa nasud.
Ingon man nga mamahimo gihapon nga makakuha og free booking, travel fund, o refund ang mga pasahero nga nabalda tungod sa katalagman.
Sa pikas bahin, nakatala usab og 662 ka mga indibidwal diin gilangkuban sa mga drivers ug helpers ang mga pantalan sa Central Visayas, samtang 300 ka mga rolling cargoes ug 11 ka mga motorbanca ang mga natanggong.
Subay niini, ang Coast Guard District Central Visayas nagpahinumdom sa publiko, mga mananagat, ug mga komunidad sa baybayon nga dili moapil sa mga kalihokan nga may kalabotan sa dagat o tubig hangtod nga mouswag ang panahon ug kahimtang sa dagat.
Gi-awhag usab sa Coast Guard ang mas lapad nga pagpakatap niining tambag aron masiguro ang kaluwasan sa publiko ug ang pagpanalipod sa kinabuhi ug kabtangan sa kadagatan.
