Nagpahibalo ang Government Service Insurance System (GSIS) sa pagpagawas niini og tulo ka bulan nga grace period sa mga bayad sa emergency loan para sa mga miyembro ug pensioner niini sa mga lugar nga naapektuhan sa mga bagyong Tino ug Uwan.
Ang GSIS miingon nga ang moratorium magtugot sa mga nangutang nga makabangon ug makatukod pag-usab nga walay diha-diha nga pressure sa pagbayad.
Sumala pa ni GSIS President ug General Manager Jose Arnulfo Veloso nga ang maong grace period dili lamang financial reprieve apan usa usab ka lifeline.
Ang GSIS miingon nga ang inisyatibo kabahin sa padayon nga pasalig niini sa pagserbisyo sa mga trabahante sa gobyerno ug mga retirado, labi na sa panahon sa kalamidad.
Ang GSIS Emergency Loan Program giablihan niadtong Nobyembre 7 ug molungtad hangtod Pebrero 7, 2026.
Ang mga kwalipikado nga miyembro ug pensiyonado mahimong mag-apply pinaagi sa website sa GSIS, GSIS Touch mobile app o sa bisan unsang branch sa GSIS.
