Gisupak sa Office of the Public Counsel for Victims of the International Criminal Court (ICC) ang apela sa defense team ni kanhi Presidente Rodrigo Duterte nga i-disqualify ang usa sa tulo ka medical experts gikan sa panel nga mo-assess kung ang kanhi Presidente kung “fit” ba nga moatubang kini sa husay sa korte.
Sa lima ka pahina nga filing sa ICC Pre-Trial Chamber I nga gipetsahan og Nobyembre 10, si Principal Counsel for Victims Paolina Massidda miingon nga ang iyang naunang pag-endorso sa duha ka neuropsychology experts gibase sa impormasyon nga gihatag sa ICC Registry ug nga kini anaa sa awtoridad sa Registry nga ipadayon ang listahan sa mga medical experts.
Gi-disclaim usab ni Massidda nga walay basehan ang pagsaway sa depensa nga nag-Google search lang siya aron mapamatud-an ang background sa mga eksperto. Miingon siya nga ang Victims’ Office nagsalig sa patas ug opisyal nga proseso sa pagpili sa ICC Registry.
Gi-insister ni Massidda nga ang iyang opisina hingpit nga nagtugyan niini sa diskresyon sa Chamber sa pagdesisyon kung ilakip ba ang nahisgutang eksperto kung makakuha na kini og klaripikasyon gikan sa Registry.
Gipalig-on usab sa Victim’s Counsel ang iyang baruganan nga ang maong eksperto kinahanglan nga kabahin sa panel aron matabangan ang Chamber sa pagtimbang-timbang sa mental ug pisikal nga kapasidad ni Duterte sa pag-atubang sa husay.
Sa pagkakaron, ang Pre-Trial Chamber ang nagdumala sa mga proseso aron masusi ang kapasidad sa kanhi Presidente sa Pilipinas sa pag-apil sa husay sa kaso nga may kalabotan sa giingong crimes against humanities nga nahimo ubos sa pekeng war on drugs sa iyang administrasyon.
