Mipadayag si Kylie Padilla og suporta sa iyang estranged husband nga si Aljur Abrenica ug AJ Raval, human niya gikumpirmar nga aduna sila tulo ka anak.
Sa usa ka Facebook post niadtong Miyerkules, Nobyembre 12, si Kylie miingon nga dugay na niyang nahibal-an ang sitwasyon apan gipili nila nga unahon ang kaayohan sa ilang mga anak ni Aljur.
Sumala sa aktres, mapasigarbuhon siya nga dili na kinahanglan itago ni Aljur ug AJ ang ilang pagka-ginikanan.
Gibutyag kaniadto ni AJ sa usa ka interview kang Boy Abunda nga siya karon adunay lima ka mga anak, tulo niini kang Aljur. Samtang duha niini gikan sa iyang kanhing partner, kinsa wala maghisgot sa ngalan sa amahan sa iyang duha pa ka mga anak.
Kahinumduman nga si Kylie ug Aljur nagpakasal niadtong 2018 apan nagbulag usab niadtong 2021.
Niadtong 2023, giangkon ni Aljur ang iyang mga kakulangan sa ilang panagbulag, samtang giklaro ni Kylie nga walay kalabotan si AJ sa ilang panagbulag.
Human sa ilang panagtrabaho sa pelikulang “Nerisa” niadtong 2021, gikumpirma nila ni Aljur ug AJ ang ilang relasyon duha ka tuig human sa mga espekulasyon.
