Modagan gihapon si Kanhi Cebu City Mayor Michael Rama sa sunod piniliay taliwa sa giluwat nga disqualification for local candidacy sa COMELEC.
Matud sa kanhi mayor nga dili pa katapusan ang bag-o nga desisyon sa buhatan diin gihatag ang petisyon alang sa diskwalipikasyon nga gibase lamang sa desisyon sa Ombudsman.
Gidugang niini nga mao palang kini ang sinugdanan sa usa ka taas ug tunokon nga dalan paingon sa kamatuoran, kagawasan, ug hustisya.
Gipasiugda usab ni Rama nga nalimbungan ang mga tawo sa manipulatibo nga naratibo ug baliko nga mga konklusyon, busa dili niya tugutan nga modaog ang kangitngit.
Nipadayag usab og pasalamat si Rama sa makakagahom sa tanan ug sa mga padayong misuporta kaniya, sa iyang pamilya, Rama Foundation, TLC, Partido Barug Team Rama BAg-ong Sugbo.
Mipasalig kini nga dili siya mo-surrender ug magpatandog hilabi na nga sulod sa 36 ka tuig nga pagserbisyo sa publiko nga walay kurapsyon.
