Aleia Aielle Aguilar, nanghawd sa Jiu-Jitsu Championship sa Abu Dhabi

Nidaog ang 8 anyos nga si Aleia Aielle Aguilara sa Jiu-Jitsu Championship nga gipahigayon sa Abu Dhabi.

Gipildi niya si Sarah Abuhijleh sa United Arab Emirates (UAE) sa score nga 3-0 sa Kids 2, Girls Gi, 22 kgs, A Class final grey belt division.

Kini ang ikaupat nga titulo ni Aguilar sa AJP World Championship, usa ka prestihiyosong jiu-jitsu event nga gihimo matag tuig sa Abu Dhabi.

Giubanan siya sa kompetisyon sa iyang amahan, si Alvin Aguilar, ang founding father sa Filipino mixed martial arts.