Gibutyag ni Senate President Pro Tempore Panfilo “Ping” Lacson nga giingong gitanyagan siya sa pipila ka retiradong opisyal sa militar nga mahimong kabahin sa usa ka “civil-military junta.”
Sa usa ka interbyu, si Lacson miingon nga wala niya tagda ang mga tanyag ug wala gyud niya gisaway ang ideya.
Sumala sa senador, ang sugyot mitumaw tungod sa kasuko sa publiko tungod sa kaylap nga korapsyon, lakip na ang anomalosong mga proyekto sa gobyerno sa flood control.
Bisan pa, iyang gipasiugda nga ang bisan unsang junta, “transition council,” o “reset” sa militar kay dili konstitusyonal.
Nanawagan usab si Lacson nga ipadayon ang pagkondena sa korapsyon, apan dili isakripisyo ang 1987 Philippine Constitution. Dugang niya nga nanghinaut kini sa ang bisan unsa nga interbensyon sa militar kay dili mahitabo kay wala kiniy maayong ikamugna.
Dugang nga gipasabot sa senador nga ang Konstitusyon klaro nga nag-ingon sa line of succession, nga matapos sa House Speaker, mao nga iyang giduso ang Designated Survivor Bill aron mapalapdan ang pagpuli ug masiguro ang pagpadayon sa gobyerno sa panahon sa kaylap nga krisis.
Nahisgotan usab ni Lacson nga ang Simbahang Katoliko supak sa bisan unsang bayolente o extra-legal nga paagi sa pag-ilis sa gobyerno.
